Rusia ka dëbuar diplomatët nga Holanda dhe Belgjika, njoftoi të martën Ministria e Jashtme ruse.

Të dërguarit u thirrën në ministri dhe u thanë se duhet të largoheshin nga Rusia brenda dy javësh.

Pesëmbëdhjetë diplomatë holandezë janë shpallur persona non grata ndërsa 12 diplomatë belgë janë dëbuar, konfirmoi Ministria e Jashtme belge për Politico, transmeton portal arbresh.info

Dëbimi mbulon dy të tretat e stafit diplomatik belg në Rusi.

Megjithatë, ambasada belge vazhdon të funksionojë, por me kapacitet të kufizuar. Një zëdhënës i ministrisë së jashtme belge tha se diplomatët belgë kanë respektuar gjithmonë detyrat e tyre diplomatike në lidhje me Konventën e Vjenës, ndryshe nga diplomatët rusë të dëbuar nga vendi muajin e kaluar.

Në fillim të këtij muaji, Moska gjithashtu dëboi diplomatët nga misioni i BE-së në Rusi.

Lëvizjet e Moskës janë një shenjë hakmarrje ndaj BE-së, e cila dëboi zyrtarët rusë nga vendet e saj./arbresh.info/